ഇനി 365 ദിവസങ്ങൾ
365 ദിവസങ്ങൾ കെ ബാലചന്ദ്രൻ , കണ്ണൂർ ( ഫോൺ 9446060641 ) കുറെ നാളുകൾക്കു ശേഷം തികച്ചും അപ്രതീക്ഷമായാണ് അനന്തുവിന്റെ കത്ത് എന്നെ തേടി വന്നത് . പതിവിലുള്ള മനോഹരമായ ഉരുണ്ടു നീണ്ട അക്ഷരങ്ങൾക്ക് പകരം വലിച്ചു വാരി എഴുതിയ പോലെ . ഒരു തവണ പെട്ടെന്ന് ഒന്നോടിച്ചു നോക്കണമെന്ന് ഉണ്ടായിരുന്നുള്ളു . അനന്തു ഒരിക്കലും ഗൗരവത്തോടെ ഒന്നും എഴുതാറില്ല . ഇടക്ക് പൊട്ടിപുറപ്പെടുന്ന ആവേശം ദിവസങ്ങൾക്കകം കെട്ടടങ്ങും . അത് കൊണ്ടാണല്ലോ ഒരിടത്തും നില്പുഉറപ്പിക്കാത്തത് . ഒരു വർഷത്തിന് ശേഷമുള്ള ഈ എഴുത്തിലും പ്രത്യേകിച്ച് എന്തെങ്കിലും കാണുമെന്നു കരുതിയതല്ല .പക്ഷെ തുറന്നു വായിച്ചപ്പോൾ എന്തോ ആപത്തു പതിയിരിക്കും പോലെ . പ്രിയപ്പെട്ട മായ അച്ഛൻ മരിച്ച ദിവസമാണ് ഇന്ന് . ഞാൻ ഏറ്റവും അധികം സ്നേഹിച്ച , എന്നെ ശരിക്കും അറിഞ്ഞ ഒരേ ഒരാൾ .അച്ഛനെ ഇന്നലെ ഞാൻ കണ്ടു . തളർന്നു അവശനായ പോലെ . ഒറ്റപെട്ടു പോയെന്നു എന്നോട് പറഞ്ഞു . ജീവിച്ചിരുന്നപ്പോളും അച്ഛൻ ഒരു ഒറ്റയാനായിരുന്നു . എന്നെ പോലെ . ആരും കൂടെയില്ലെന്നു എപ്പോഴും ഓർമപ്പെടുത്തുന്ന ഒരു ജീവിതം . രണ്ടു പേർക്കും അതായിരുന്നു വിധി . എന്നെ അച്ഛന് കാണണം പോലും .
